Zeltia Iglesias Rodríguez, que finalizou os Estudos Superiores de Deseño Gráfico na EASD Antonio Faílde o curso pasado, resultou unha das gañadoras dos premios fin de carreira da comunidade autónoma de Galicia para o alumnado que rematou os seus estudos de ensinanzas artísticas superiores no curso 2020/21 .

Trátase duns importantes galardóns que convoca anualmente a Consellería de Cultura, Educación e Universidade da Xunta de Galicia dirixido a alumnado dos centros que imparten ensinanzas artísticas superiores sostidos con fondos públicos. Estes premios constan dunha importante dotación económica (3.500€) e supoñen un merecido recoñecemento ao esforzo e brillantez académica desenvolvidos polo alumnado ao longo do seu período formativo.

Nesta mesma web pódese consultar o Traballo Fin de Grao  "SSSS" de Zeltia

Desde a EASD Antonio Faílde enviámoslle os nosos parabéns e non dubidamos que acadará outros moitos éxitos no seu devir profesional.